TAROT – a Tool Assist Remember Of True self
本來想去的餐廳賣晒雞肉，我和囡囡也不吃牛，所以臨時再在附近找餐廳吃東西。最後經過一間有烏冬吃的店，囡囡說不吃拉麵但可以吃烏冬，我們入內侍應skip咗一張枱，帶我們去了另一個位置，點完食物，隔離枱三個女生的對談散發著奇妙的主題，我心諗：食餐飯啫～ 甲：佢同你唔同呀，你親身體驗到耶穌愛你，所以你明白乙：係呀，佢咁樣好難搞（我想答：耶穌係古人，我係現代我唔會體驗到耶穌愛我，但如果我係教徒，我會體驗到天主愛我） 甲：塔羅牌真係好危險架，佢都唔知道乙：係啦，知道咁樣佢仲玩塔羅（我想問：危險係邊呢？危險得過……..刪除不能post的事例） 我為了自己停止加入煩亂，我在等食物期間send口訊給朋友傾計。朋友說：好似核彈咁危險架，試過有人同我講唔好亂咁幫人開呀，會折壽架，我咪答佢「咁啱喇，我唔鍾意長命」我笑咗然後，食物到，我決定滴幾滴Pomander在手上，靜一靜自己，再開餐，不把情緒帶到食物上。兩分鐘唔夠，佢地突然間話埋單走，佢地順道把整個能量帶走了，在我吃第一啖麵時世界有微風。我囡話：嘩，突然間舒服晒～ 兩日，我惦記著佢地講那個朋友，我想說：塔羅在17xx年以前已經有人使用，而且使用的人有學識有修養，甚至有信仰的，過咗三百年還有人使用，這說明什麼？不要道聽途說、預設答案。不用覺得自己怪異，只係每個人的選擇唔同罷了。這日誌寫給有緣人看*********** 我認為TAROT 塔羅 – a Tool Assist Remember Of True self總會有人問，究竟塔羅準唔準架？這麼多年，我都會答：懷疑就唔好問塔羅，自己決定自己選擇。塔羅，是一個用圖象幫助我們發掘、確認的工具。就像夢境用影象表達潛意識層，圖象裡的符號也像童話、神話故事裡的隱喻，刺激我們與內在溝通。有些人不會替自己解塔羅，這樣就像不替自己解夢一樣，塔羅是一個自助助人的系統，是一個工具用來表達，就像筆是一個工具，在於我們如何使用。 學習塔羅大部分人的選擇是睇書和背意思，這是一個方法，同時也局限了自己解牌的空間和可能。當我們認識到塔羅背後的原理，瞭解前人在塔羅系統裡發掘到的東西，重新體驗圖象和符號給我們的意義。我們必需承認，最信得過的人必定是自己，在成長的過程裡，因為在家庭、學校、社會上的經驗，我們把真實的自己藏起來，甚至慢慢把自己忘掉，成為別人眼中的「我」。可是我不開心、無助、恐懼，也不再理會自己生存著的價值和意義，日子過著就過著。透過認識使用塔羅幫助自己，容許自己看到生命裡的希望和可能。比一點時間、空間和機會自己，欣賞自己和生命。※ 圖片說明：這是另一日我係另一間餐廳聽到兩個女人在討論奧運，其中一個話，攞到金牌又有獎金真係唔使憂。另一個答：你都黐線學劍擊唔平架，學咗咁多年仲咁叻，就知道人地屋企有錢根本就唔使憂。當時影緊呢張相的我，想拍手。